1988 წელს თამარ ლალიაშვილმა დაამთავრა თბილისის სახელმწიფო უნივერსიტეტის სამართალმცოდნეობის ფაკულტეტი. თამარი გახლდათ პროკურორი, იუსტიციის სამინისტროს კონსულტანტი და მოსამართლე. 2001-2006 წლებში იყო უზენაესი სასამართლოს მოსამართლე. 2000-2001 წლებში გახლდათ სააპელაციო სასამართლოს მოსამართლე, 1999-2000 რაიონული სასამრთლოს მოსამართლე, 1992-1999 წლებში გენერალური პროკურატურის სამმართველოს პროკურორი, 1990-1992 წლებში საქართველოს იუსტიციის სამინისტროს კონსულტანტი. 1997-1998წწ. სტაჟირება გაიარა ქ. ბრემენის პროკურატურასა და საქალაქო სასამართლოში; იყო ფრიდრიხ – ებერტის ფონდის სტიპენდიატი; 2007-2010 წლებში დაიცვა საკანდიდატო დისერტაციის თემა: საპროცესო შეთანხმების შედარებითი ანალიზი “გერმანიის, ამერიკის შეერთებული შტატებისა და საქართველოს სისხლის სამართლის პროცესის შესაბამისად”. თამარი არის ქართულ-ნორვეგიული კანონის უზენაესოსბის ასოციაციის დამფუძნებელი, 2002-2003 საქართველოში სისხლის სამრთლის რეფორმების განმახორციელებელი სამთავრობო კომისიის წევრი. ის გახლდათ საქართველოს სისხლის სამართლის საპროცესო კოდექსის პროექტზე მომუშავე კომისიის წევრი. 2011-2013 საქართველოს განვითარების კვლევითი ინსტიტუტის ექსპერტი. 2019 წლიდან გახლავს ნიუ ვიჟენ უნივერსიტეტის სამართლის სკოლის პროფესორი.
