იმიტირებული სასამართლო პროცესი თბილისის სააპელაციო სასამართლოში
2018 წლის 28 აპრილს, ევროპის უნივერსიტეტის სტუდენტებმა სამართლის ინსტიტუტის ორგანიზებით თბილისის სააპელაციო სასამართლოში იმიტირებული სასამართლო პროცესი გამართეს. პროცესს ხელმძღვანელობდა ქალაქ მაიამის (აშშ) სასამართლოს მოსამართლე მარკ სპეისერი.
ევროპის უნივერსიტეტის სამართილს ინსტიტუტსა და ამერიკელ მოსამართლეს მარკ სპეისერს შორის არსებული თანამშრომლობის ფარგლებში, ქალაქ მაიამის მოსამართლე ევროპის უნივერსიტეტში მასტერკლაებსა და ტრენინგებს წელიწადში რამდენჯერმე ატარებს. ამასთან, 2017 წლის შემოდგომაზე, მის მიერ ინიცირებული პროექტის გამარჯვებულმა სტუდენტმა მაიამის (აშშ) სასამართლოში ერთთვიანი პრაქტიკაც გაიარა. მარკ სპეისერი აშშ-ს პროკურატურისა და იუსტიციის სისტემაში სხვადასხვა წამყვან პოზიციაზე წლების განმავლობაში მუშაობდა, ამჟამად პროფესიულ საქმიანობას მოსმაართლის პოზიციაზე აგრძელებს.
