სასჯელის უმაღლესი ზომა სისხლის სამართალში (აშშ-ს მაგალითზე)
2016 წლის 11-27 აპრილს ევროპის უნივერსიტეტის სამართლის ინსტიტუტმა პროფესიული საკვალიფიკაციო სერტიფიცირებული კურსი ჩაატარა თემაზე: სასჯელის უმაღლესი ზომა სისხლის სამართალში (აშშ-ს მაგალითზე). კურსს ამერიკელი მოსამართლე ფლორიდას შტატიდან მარკ სპეისერი უძღვებოდა. მან ამერიკის შეერთებული შტატების მართლმსაჯულების თავისებურებები გააცნო ქართველ სტუდენტებს, განიხილა სასჯელის უმაღლესი ზომის გამოყენების შემთხვევები საკუთარი მრავალწლიანი სამოსამართლო პრაქტიკიდან.
ვიზიტის ფარგლებში შეხვედრა მოხდა საქართველოს უზენაესი სასამართლოს სამოსამართლო კორპუსთან.შეხვედრის ფარგლებში მარკ სპეისერმა დეტალურად მიმოიხილა აშშ-ს მართლმსაჯულების სისტემა, კერძოდ, საკანონმდებლო რეგულირება და სასამართლო პრაქტიკა. უზენაესი სასამართლოს ავმჯდომარემ ნინო გვენეტაძემ საქართველოს არასრულწლოვანთა მართლმსაჯულების კოდექსის საერთაშორისო პრინციპებთან შესაბამისობის საკითხებზე ისაუბრა. შეხვედრაზე უზენაესი სასამართლოს თავმჯდომარემ აღნიშნა, რომ გაეროს ბავშვთა ფონდის (UNICEF) მხარდაჭერით საერთო სასამართლოების შესაბამისი სპეციალიზაციის მქონე მოსამართლეებისა და სახელმწიფო უწყებების წარმომადგენლების მონაწილეობით შექმნილია სპეციალური ჯგუფი, რომელიც ორიენტირებულია არასრულწლოვანთა მართლმსაჯულების კოდექსის პრაქტიკაში დანერგვასთან დაკავშირებული ხარვეზების იდენტიფიცირებასა და მათი აღმოფხვრის მიზნით შესაბამისი რეკომენდაციების შემუშავებაზე.შეხვედრაზე მონაწილეები გაეცნენ ამერიკის სასამართლო პრაქტიკას და თანამედროვე მიდგომებს ნაფიც მსაჯულთა ინსტიტუტისა და სისხლის სამართლის მართლმსაჯულების სხვა აქტუალური საკითხების ირგვლივ.
ორკვირიანი ტრენინგ კურსის წარმატებით დასრულების შემდგომ, ევროპის უნივერსიტეტის აკადემიურმა საბჭომ ერთხმად დაუჭირა მხარი მარკ სპეისერისათვის საპატიო დოქტორის ხარისხის მინიჭებას.
კურსის ფარგლებში, ევროპის უნივერსიტეტის სამართლის ინსტიტუტსა და ქალაქ მაიამის (აშშ, ფლორიდა) სასამართლოსთან გაფორმდა ურთიერთთანამშრომლობის მემორანდუმი. მემორანდუმის ფარგლებში, 2017 წლის დეკემბერში, ევროპის უნივერსიტეტის სამართლის საბაკალავრო პროგრამის მეოთხე კურსის საუკეთესო სტუდენტმა ნათია როსტომაშვილმა ქ. მაიამის სასამართლოში ერთთვიანი პრაქტიკა გაიარა. შესარჩევ კონკურსში თავად მარკ სპეისერი იყო ჩართული.„როდესაც ამერიკის შეერთებულ შტატებში, სასამართლო პროცესზე, მოსამართლის გვერდით თანაშემწის ადგილს ირგებ და საქმის განხილვის სრულფასოვანი მონაწილე ხდები, შემდეგ კი აცნობიერებ, რომ ეს ყველაფერი იმიტირებული არ არის, ადვილად იჯერებ, რომ ოცნებები ხდება.“ნათია როსტომაშვილი
