სამართლის ინსტიტუტი სამეცნიერო ჟურნალში AI-ზე დაფუძნებულ სტატიების რეკომენდაციის სისტემას ნერგავს

სამართლის ინსტიტუტი ციფრული ინოვაციების მიმართულებით კიდევ ერთ მნიშვნელოვან ნაბიჯს დგამს. ინსტიტუტის სამეცნიერო ჟურნალში „სამართალი და მსოფლიო“ დაინერგა Contrimetric-ის ხელოვნურ ინტელექტზე დაფუძნებული სამეცნიერო სტატიების რეკომენდაციის სისტემა, რომელიც მკითხველებს თემატურად დაკავშირებული კვლევების აღმოჩენასა და მათთვის რელევანტური სამეცნიერო ლიტერატურის მოძიებაში დაეხმარება.

ახალი სისტემა მკითხველებს შესაძლებლობას აძლევს:

• აღმოაჩინონ თემატურად დაკავშირებული სამეცნიერო სტატიები;

• მიიღონ ხელოვნური ინტელექტის მიერ შერჩეული პერსონალიზებული რეკომენდაციები;

• უფრო მარტივად გაეცნონ პარტნიორ აკადემიურ ჟურნალებში გამოქვეყნებულ რელევანტურ კვლევებს;

• უფრო ეფექტიანად მოიძიონ მათთვის საინტერესო სამეცნიერო ლიტერატურა.

თანამედროვე აკადემიური გამომცემლობა მხოლოდ მაღალი ხარისხის კვლევების გამოქვეყნებით არ შემოიფარგლება - მისი მნიშვნელოვანი ამოცანაა სამეცნიერო ცოდნის აღმოჩენადობის, ხელმისაწვდომობისა და ეფექტიანი გავრცელების ხელშეწყობაც.

აღნიშნული სიახლე სამართლის ინსტიტუტის საგამომცემლო საქმიანობის განვითარების კიდევ ერთი მნიშვნელოვანი ეტაპია და ემსახურება თანამედროვე, ინოვაციური და საერთაშორისო სტანდარტებზე ორიენტირებული აკადემიური საგამომცემლო გარემოს შექმნას