ჩვენ შესახებ

ინსტიტუტის შესახებ

ევროპის უნივერსიტეტის სამართლის ინსტიტუტი 2015 წელს დაარსდა. იგი წარმოადგენს ევროპის უნივერსიტეტის მიერ დაფუძნებულ კერძო სამართლის არასამეწარმეო (არაკომერციულ) იურიდიულ პირს (ააიპ).

ინსტიტუტი წარმოადგენს სამართლის სამეცნიერო-აკადემიურ პლატფორმას, რომელიც თანამშრომლობს აკადემიურ ცენტრებთან მსოფლო მასშტაბით. აწყობს სამეცნიერო კონფერენციებს, ფორუმებს, დისკუსია დებატებს და ახორციელებს სხვადასხვა სამეცნიერო საგრანტო პროექტებს სამართლის მიმართულებით.

ინსტიტუტი გამოსცემს საერთაშორისო სამეცნიერო ჟურნალს „სამართალი და მსოფლიო“. ჟურნალს აქვს საერთაშორისო აღიარება ისეთ მსხვილ საერთაშორისო ბაზებში, როგორიცაა: DOAJ (Directory of Open Access Journals), Research4Life, ResearchBib, Dimensions, Index Copernicus, ERIH PLUS, HeinOnline, J-Gate, Google Scholar, KEEPERS, ROAD. ჟურნალის ელექტრონული ვერსიები დაცულია საერთაშორისო ციფრულ საცავში Internet Archive და CLOCKSS.

ინსტიტუტი სამართლის სფეროში ახალი ცოდნის გენერირების მიზნით, ყოველ წელს ატარებს კვალიფიკაციის ასამაღლებელ კურსებს საერთაშორისო სამართალში. კურსებს უძღვებიან ევროპიდან და ამერიკიდან მოწვეული ექსპერტები, მოქმედი მოსამართლეები, პროკურორები, ადვოკატები, პროფესორები, პირები, რომლებიც სამართლის სფეროში მაღალი ავტორიტეტით სარგებლობენ. აღნიშნული კურსები 2016 წლიდან ყოველ გაზაფხულსა და შემოდგომაზე ტარდება და ეს უკვე ინსტიტუტის ტრადიციაა.

საკვალიფიკაციო კურსებში მონაწილეობას იღებენ როგორც ქართველი, ასევე უცხოელი სტუდენტები, აკადემიური წრეების წარმომადგენლები, საჯარო მოხელეები და პრაქტიკოსი იურისტები. ინსტიტუტი ყოველწლიურად ასეულობით მსმენელს მასპინძლობს. თემატიკა განისაზღვრება მსოფლიოში მიმდინარე აქტუალური პროცესებია და მსმენელთა ინტერესების გათვალისწინებით. შესაბამისი გამოცდის საფუძველზე, გაიცემა საერთაშორისო სერტიფიკატი.