სამართალი და მსოფლიო ბუდაპეშტის ღია ხელმისაწვდომობის ინიციატივის (BOAI) საერთაშორისო დეკლარაცია შეუერთდა

ევროპის უნივერსიტეტის სამართლის ინსტიტუტის საერთაშორისო სამეცნიერო ჟურნალმა „სამართალი და მსოფლიო“ ბუდაპეშტის ღია ხელმისაწვდომობის ინიციატივის (Boudapest open access initiative – BOAI) საერთაშორისო დეკლარაციას ხელი მოაწერა.

აღნიშნული დეკლარაციის თანახმად, თანამედროვე ტექნოლოგიებმა მსოფლიო მაშტაბით ციფრულად უნდა უზრუნველყონ საზოგადოების ყველა წევრისთვის (მეცნიერი, მასწავლებელი, სტუდენტი და ნებისმიერი დაინტერესებული პირი) სამეცნიერო გამოცემებზე სრულიად უფასო და შეუზღუდავი წვდომა, კერძოდ: მომხამრებელს საშუალება ექნება წაიკითხოს, ჩამოტვირთოს, დააკოპიროს, გაავრცელოს, დაბეჭდოს, მოძებნოს ან დააკავშიროს ამ სტატიების სრული ტექსტი, მოიძიოს ისინი ინდექსაციისთვის, გადასცეს ან გამოიყენოს სხვა კანონიერი მიზნებისთვის ფინანსური, იურიდიული ან ტექნიკური ბარიერების გარეშე. გარდა იმ ბარიერებისა, რომლებიც განუყოფელია თავად ინტერნეტზე წვდომასთან. რეპროდუქციისა და გავრცელების ერთადერთი შეზღუდვა უნდა იყოს ავტორებისთვის კონტროლის მინიჭება მათი ნაშრომების მთლიანობაზე და სათანადო აღიარებისა და ციტირების უფლებაზე.

სამეცნიერო ლიტერატურაზე ხელმისაწვდომობის ბარიერების მოხსნა დააჩქარებს კვლევას, გაამდიდრებს განათლებას, გახდის სამეცნიერო ლიტერატურას მაქსიმალურად ხელმისაწვდომს რაც საფუძველს ჩაუყრის კაცობრიობის სამეცნიერო აკადემიურ გაერთიანებას, ხელმისაწვდომს გახდის ცოდნის ძიებას.