ინგლისის თავისუფლების დიდი ქარტია (Magna Charta) და მისი ამერიკული მემკვიდრეობა: 1215 წლიდან დღემდე,
2017 წლის 13-18 მარტს ევროპის უნივერსიტეტის სამართლის ინსტიტუტის ორგანიზებით, საერთაშორისო ტრენინგ კურსი: „ინგლისის თავისუფლების დიდი ქარტია და მისი ამერიკული მემკვიდრეობა 1215 წლიდან დღემდე“ ჩატარდა. კურსს უძღვებოდა ტეხასის შტატის სენტ მერის უნივერსიტეტის სამართლის სკოლის პროფესორი ვინსენტ ჯონსონი (აშშ). პროგრამა მოიცავდა თავისუფლების დიდი ქარტიის (Magna Charta) შექმნას, განვითარებასა და თანამედროვე ამერიკულ კანონმდებლობაში მის როლსა და მნიშვნელობას. კურსის ფარგლებში 17 მარტს ამერიკელმა პროფესორმა ღია საჯარო ლექცია გამართა თემაზე: „იურიდიულ პროფესიათა ეთიკა“. გამოცდის ჩაბარების შემდგომ, სტუდენტებს გადაეცათ სენტ მერის უნივერსიტეტის (აშშ) სერტიფიკატები.
ამერიკის სენტ მერის უნივერსიტეტის პროფესორმა ვინსენტ ჯონსონმა ევროპის უნივერსიტეტს საჩუქრად საკუთარი წიგნები გადასცა. მისი ავტორობით გამოცემული წიგნები სამოქალაქო სამართალში ზიანის ანაზღაურების პრობლემებს ეხება და მკითხველს ამერიკულ გამოცდილებას სთავაზობს. სტუდენტებისათვის წიგნი უნივერსიტეტის ბიბლიოთეკაშია ხელმისაწვდომია. მხარეები მისი ქართულად თარგმნის შესაძლებლობაზე შეთანხმდნენ.
ვინსენტ რ. ჯონსონი გახლავთ ტეხასის შტატის სენტ მერის უნივერსიტეტის სამართლის სკოლის დამსახურებული პროფესორი, ამერიკის ინსტიტუტის წევრი, ასევე დისციპლინალური წესების და რეფერენდუმების კომიტეტის წევრი (დანიშნულია უმაღლესი სასამართლოს მიერ) და ამერიკის იურიდიულ სასწავლებლების პროფესიული პასუხისმგებლობის ასოციაციის აღმასრულებელი კომიტეტის წევრი. მისი ნაშრომები ციტირებულია 210 – ზე მეტ საკანომდებლო მიმოხილვაში, 65 ფედერალურ და სახელმწიფო სასამართლოს გადაწყვეტილებებში, ასევე სხვადასხვა ტრაქტატებში. მისი წიგნების სწავლა სავალდებულოა 40 -ზე მეტ ამერიკულ სამართლის სკოლაში.
