მასტერკლასების სერია ევროპის უნივერსიტეტში
სამართლის ინსტიტუტის ორგანიზებით, ევროპის უნივერსიტეტში მასტერკლასების სერია გაიმართა. ღონისძიება 12, 13 და 14 მაისს მიმდინარეობდა, რომელსაც საქართველოს სხვადასხვა უნივერსიტეტების სამართლის პროგრამის სტუდენტები ესწრებოდნენ.
მოწვეული უცხოელი ტრენერები იყვნენ: მოსამართლე მარკ სპეისერი (ფლორიდა, აშშ) და ადვოკატი რობერტ ტრეჩმანი, (ფლორიდა, აშშ). ღონისძიების ფარგლებში განიხილეს შემდეგი თემები: ჩხრეკის თავისებურებები აშშ-ში, ბრალდებულის მიერ მიცემული აღიარებითი ჩვენების კანონიერად დასაშვებობა სისხლისსამართლებრივი დევნის დროს, სიტყვის თავისუფლების შეზღუდვა კონსტიტუციურ უფლებაზე - შეკრების თავისუფლებაზე. აღნიშნულ თემებზე სტუმრებმა ამერიკული გამოცდილება გაუზიარეს ქართველ სტუდენტებს.
მსმენელთა თხოვნით განხილულ იქნა აგრეთვე სიკვდილით დასჯა აშშ-ში. მოსამართლე მარკ სპეისერმა საკუთარი გამოცდილებიდან სიკვიდილით დასჯის პრაქტიკული მაგალითები უამბო ქართველ სტუდენტებს, რამაც დიდი დაინტერესება გამოიწვია.
