სამართლის ინსტიტუტის სამეცნიერო გამოცემების პრეზენტაცია

ევროპის უნივერსიტეტის სამართლის ინსტიტუტმა წიგნების პრეზენტაცია გამართა. ინსტიტუტის უფროსმა მეცნიერ თანამშრომლებმა მიხეილ ბიჭიამ და თამარ მსხვილიძემ ფუნდამენტური კვლევების ფარგლებში ახალი მონოგრაფიები წარუდგინეს სამეცნიერო საზოგადოებას.

მიხეილ ბიჭიას მონოგრაფია: „სამოქალაქო სამართლის მეთოდოლოგიური პრობლემები“ სამოქალაქო სამართლის მეთოდოლოგიურ საკითხებს ეძღვნება. კვლევაში განხილულია სამოქალაქოსამართლებრივი ურთიერთობის არსი და თავისებურებები, სამოქალაქო უფლება-მოვალეობა, სამოქალაქოსამართლებრივი ურთიერთობის სუბიექტი და ობიექტი. ცალ-ცალკე ადგილი დაეთმო როგორც ფიზიკურ და იურიდიულ პირებს, ისე ე.წ. "არაიურიდიულ პირებს". ამავე დროს, ნაშრომში ასახულია ამ საკითხებთან დაკავშირებით განხორციელებულ საკანონმდებლო ცვლილებები. სამოქალაქო სამართლის მეთოდოლო გიური პრობლემები შესწავლილია თეორიებისა და პრაქტიკული მაგალითების დახმარებით. შესაბამისად, ნაშრომში განხილულია საკითხების როგორც თეორიული, ისე პრაქტიკული საფუძვლები.

თამარ მსხვილიძის მონოგრაფიაში: „უცხო ქვეყნის სამართლის ნორმების გამოყენება საერთაშორისო კერძო სამართლის პროცესში“ წარმოჩენილია ის აქტუალური საკითხები, რომლებიც შეეხება უცხოური სამართლის გამოყენებას ეროვნულ სასამართლოებში, კერძოდ უცხო ნორმის შინაარსის გამოყენების სირთულეებს, მისი დადგენის მეთოდებს, დაუდგენლობის შედეგებსა და ადგილობრივი სამართლისაკენ მიმართვის შესაძლებლობებს. ნაშრომში ნათლადაა გააზრებული პრობლემის ირგვლივ არსებული მრავალფეროვანი წყაროები, განხილულია როგორც ეროვნული, ასევე საერთაშორისო კანონმდებლობა და პრაქტიკა.

წიგნების პრეზენტაცია 2023 წლის 25 ნოემბერს, სამართლის ინსტიტუტის მიერ ორგანიზებულ საერთაშორისო სამეცნიერო კონფერენციაზე: „საქართველოს ევროკავშირში გაწევრიანების პერსპექტივები” განხორციელდა. სახელმძღვანელოები სამართლის ფაკულტეტის სტუდენტებისთვის და მკითხველთა ფართო წრისათვისაა განკუთვნილი.