ევროპის უნივერსიტეტში სამართლის ინსტიტუტის უფროსი მეცნიერ თანამშრომლის სალომე წურწუმიას წიგნის პრეზენტაცია გაიმართა

2024 წლილს 26 ივლისს ზურაბ ჟვანიას სახელობის საპარლამენტო დარბაზში ევროპის უნივერსიტეტის სამართლის ინსტიტუტის უფროსი მეცნიერ თანამშრომლის, აფილირებული ასოცირებული პროფესორის სალომე წურწუმიას წიგნის პრეზენტაცია გაიმართა.

პროფესორმა სალომე წურწუმიამ წიგნი „დავების გადაწყვეტის ალტერნატიული მექანიზმების პერსპექტივა ადმინისტრაციულ სამართალში“ ევროპის უნივერსიტეტის“ სამართლის ინსტიტუტის სამეცნიერო კვლევითი საქმიანობის ფარგლებში გამოსცა.

ღონისძიებაზე სტუმრებს სიტყვით მიმართა ინსტიტუტის დირექტორმა იოსებ კელენჯერიძემ. მან სამართლის დარგში ქართული ლიტერატურის შექმნის აუცილებლობაზე გაამახვილა ყურადღება.

ავტორმა ვცრლად ისაუბრა წიგნში გადმოცემულ სიახლეებზე. თანამედროვე დემოკრატიულ სახელმწიფოებში ყოველდღიურად მნიშვნელოვან ადგილს იჭერს დავის გადაწყვეტის ალტერნატიული მექანიზმები. შესაბამისად, ადმინისტრაციულ სამართალში ინსტიტუციონალურ კონტექსტში განხილვას საჭიროებდა დავის გადაწყვეტის ალტერნატიული მექანიზმების დამკვიდრების შესაძლებლობა.

მონოგრაფია მიზნად ისახავს წარმოადგინოს ადმინისტრაციულ დავებში დავის გადაწყვეტის ალტერნატიული მექანიზმების დამკვიდრების პრაქტიკული საჭიროება და აღნიშნულის საფუძველზე ავითარებს მედიაციის, მორიგებისა და არბიტრაჟის ადმინისტრაციული დავების გადაწყვეტის მექანიზმად გამოყენების პერსპექტივას. ქართული ადმინისტრაციული სამართლის სფეროში დავის გადაწყვეტის ალტერნატიული მექანიზმები შეიძლება გამოყენებულ იქნეს, როგორც მართლმსაჯულების სისტემის მხარდამჭერი მექანიზმი. აღნიშნული მიზნის მისაღწევად გამოკვლეულ იქნა დავის გადაწყვეტის ალტერნატიული მექანიზმების საჭიროება, განისაზღვრა ის ადმინისტრაციულ დავები, რომლებიც შესაძლოა განხილულ იქნეს მორიგების, მედიაციისა და არბიტრაჟის წესით, წარმოდგენილ იქნა წინადადება დავის გადაწყვეტის ალტერნატიული ადმინისტრაციული პროგრამის ჩამოყალიბების შესახებ და განსაზღვრა მორიგების, მედიაციისა და არბიტრაჟის წესით ადმინისტრაციული დავების განხილვის პროცედურული ასპექტები.

მონოგრაფია შესაძლოა სამომავლოდ გამოყენებულ იქნეს სასწავლო მიზნებისათვის, ვინაიდან ალტერნატიული მექანიზმების პოპულარობასთან ერთად იზრდება მათი სასწავლო დისციპლინებში დამკვიდრების მოლოდინები. წინამდებარე მონოგრაფია პირველი ნაბიჯია ადმინისტრაციულ სამართალში ალტერნატიული მექანიზმების კვლევის განსავითარებლად.

წიგნის პრეზენტაციას დარგის ექსპერტები და სხვა დაინტერესებული პირები ესწრებოდნენ.