ინტენსიური სერტიფიცირებული სასწავლო კურსი ,,საერთაშორისო სამართლის ევოლუცია და ინტეგრაცია”
ევროპის უნივერსიტეტის
სამართლის ინსტიტუტის ორგანიზებით, 2026 წლის 20 აპრილიდან 1 მაისის ჩათვლით, ევროპის
უნივერსიტეტში გაიმართა 10 დღიანი ინტენსიური სერტიფიცირებული სასწავლო კურსი თემაზე:
„საერთაშორისო სამართლის განვითარება და ინტეგრაცია“.
კურსს უძღვებოდა
მოწვეული საერთაშორისო ექსპერტი, პროფესორი კიერან შანაჰანი (JD, აშშ, ჩრდილოეთ კაროლინა),
რომელიც ამერიკის შეერთებულ შტატებში დასახელებულია 100 საუკეთესო იურისტს შორის.
პროგრამა გამოირჩეოდა
როგორც თეორიული, ისე პრაქტიკული კომპონენტებით და მოიცავდა საერთაშორისო სამართლის
განვითარების ძირითადი ეტაპების, თანამედროვე ტენდენციებისა და სხვადასხვა სამართლებრივი
სისტემების შედარებითი ანალიზის განხილვას.
კურსის ფარგლებში
მონაწილეებს ჰქონდათ შესაძლებლობა, შეესწავლათ განსხვავებული სამართლებრივი ტრადიციების
ფუნქციონირება და პრაქტიკული თავისებურებები.
სასწავლო პროცესი
მიმდინარეობდა ყოველდღიურად და აერთიანებდა ლექციებსა და პრაქტიკულ სავარჯიშოებს. კურსი
განსაკუთრებულად აქტუალური იყო თანამედროვე გლობალური პროცესებისა და მიმდინარე საერთაშორისო
მოვლენების ფონზე, რაც უზრუნველყოფდა განხილული საკითხების პრაქტიკულ მნიშვნელობას.
კურსის დასრულებისას
მონაწილეებს გადაეცათ მონაწილეობის სერტიფიკატები, ხოლო იმ მონაწილეებს, რომლებმაც
დასკვნითი ტესტირება წარმატებით ჩააბარეს, მიენიჭათ წარმატების სერტიფიკატები.
პროგრამაში მონაწილეობდნენ
როგორც პრაქტიკოსი იურისტები, ასევე საქართველოს სხვადასხვა უნივერსიტეტის სამართლის
სტუდენტები და საერთაშორისო სამართლის საკითხებით დაინტერესებული პირები.
